පොඩ්ඩන්ට ඉස්කෝලේ අරන් යන්න පෙති පාන් පීසා

පොඩ්ඩෝ කොහොමත් කැමති ටිකක් වෙනස් විදියේ කෑමට. හැමදාම ඉස්කෝලේ යවන පාන්, බත්, කඩල කවුපි වගේ දේවල් හවසටත් එහෙමමයි. ඉස්කෝලෙට කෑම යවන එක අම්මලාට ලොකු යුද්දයක්. පොඩ්ඩෝ කැමති දෙයක් වෙන්නත් ඕනේ, ගුණදායක සමබල ආහාරයක් වෙන්නත් ඕනේ. ඉතින් අද ඔයාලට මේ කියන්න යන්නේ ඒ කරුණු දෙකම සපුරපු කෑමක්. පොඩ්ඩෝ කොහොමත් කැමති පීසා. ඔයාලට ගෙදර තිබෙන දේවලින් හදලා දෙන්න පුළුවන් ක්රමයක් ගැන. මේකට අපි කියන්නේ පෙති පාන් පීසා කියලා. සොසේජස්, කුකුළු මස්, සැමන්, මාළු වගේම බේකන් සහ බිත්තර රසටත් ඕනෑ නම් එළවලු වලිනුත් මේ පෙති පාන් පීසා හදන්න පුළුවන්.


සාදා ගන්නා ආකාරය :
01) නන් ස්ටික් පෑන් එකක් ලිපේ රත් වෙන්න තියන්න. රත් වූ පසු පාන් පෙතිවල දෙපැත්තම විනාඩිය බැගින් තබා ටෝස්ට් කරගන්න.
02) දැන් මේ පාන් පෙතිවල යන්තමට සුදු ළූණු තවරන්න. ඒ මත එළවලු තෙල් තවරන්න.
03) දැන් ඊට උඩින් තක්කාලි කෙචප් හෝ පීසා සෝස් තවරන්න. ළූණු, මිරිස්, කුකුළු මස් හෝ සොසේජස් ඊට උඩින් දමන්න. දැන් සිහින්ව ගාගත් චීස් දෙවර්ගය ඊට උඩින් දමන්න. අවසානයට ලියාගත් පාස්ලි කොළ අතුරා එළවලු තෙල් ටික උඩින් ඉස ලුණු හා ගම්මිරිස් කුඩුද ඉසින්න.
04) මේ විදියට සාදාගත් පෙති පාන් පීසා අවන් එකකට දමනවා නම් පැතලි පෑන් එකක තබා අංශක 200 උෂ්ණත්වයේ විනාඩි 12ක් පමණ බේක් කරගන්න. නන් ස්ටික් පෑන් එකක පිසිනවා නම් ඉහල උෂ්ණත්වයේ විනාඩි 2ක් පිස පියන වසා තවත් විනාඩි 1ක් පිස ගන්න. පසුව පියන විවෘත කර තවත් විනාඩි 2ක් ටෝස්ට් කර ගන්න.
දැන් උණු උණුවේම තක්කාලි කෙචප් සමග පිළිගන්වන්න.





