හින්දි, දමිළ, තෙලිඟු නිළියන්ගේ ලස්සන. දැක්කත් හිත පිරෙනවා.ඉන්දියානු නිළියන් පමණක් නොවේ. ඉන්දියාවේ ගෑණු ළමයි පවා බලන්න ලස්සනයි. අපේ අයට ඊරිසියාවක් ඇතිවෙන තරම්. හමේ අමුතුම පාටක්. ගානට ඇඟ පත. මොකක්ද මේ රහස. පුංචි කාලේ ඉඳලා එයාලට එයාලගේ අම්මලා රහස් රූපලාවන්‍ය සත්කාර ලබා දෙනවා. සමහර ඒවා යුෂ පානයන්. සමහරක් තෙල් සත්කාර. සමහරක් රහස් කෑම වට්ටෝරු. ඉතින් මේවා මහා අමුතු දේවල් නම් නොවේ. ඔයාලට වුණත් ගෙදරදීම පහසුවෙන් පිළියෙළ කරගන්න පුළුවන් දේවල්. අද අපි ඔයාලට කියන්න යන්නේ ඇඟ හැඩ කරන, සම පැහැපත්ව බලවන, තරුණ කම උතුරා යන පෙනුමක් දෙන, ලෙඩ රෝග සෑදීම අඩු කරන මහා අනර්ඝ කැරට්-දොඩම් පානය ගැන.
අවශ්‍ය දෑ :
අලුත් කැරට් අල 3ක්(සාමාන්‍ය තරමේ)
දොඩම් ගෙඩි 1ක්
කොළ ඇපල් ගෙඩි 1ක්
දෙහි බෑයක්
මිංචි කොළ මිටක්
සාදන ආකාරය :
කැරට් හොඳින් සෝදා කැබලිවලට කපන්න. දොඩම් ගෙඩියේ ලෙල්ල ඉවත් කර කැබලිවලට කපාගන්න. සෝදා ගත් ඇපල් ගෙඩියත් කැබලිවලට කපා ගන්න. බ්ලෙන්ඩරයකට දමා වතුර කෝප්ප 1ක්, දෙහි බෑයේ යුෂ, මිංචි කොළ මිට දමා බ්ලෙන්ඩර් කරන්න. පෙරන්නේ නැතිවම පානයට ගන්න. සති 6ක් පමණ නොකඩවා මේ කැරට්-දොඩම් ජූස් එක සාදාගෙන බොන්න. ඇඟේ හැඩය වගේම හමේ ලොකු වෙනසක් ඔයාටම දකින්න ලැබේවි. අනෙක් අතට ඇඟට ලොකු සුවපහසුවකුත් දැනේවි.
