බිකිණි කාලෙකට කලින් නම් අපේ සමාජයට ටිකක් අලුත් විලාසිතාවක්. සංචාරක කර්මාන්තය නිසාවෙන් මේ රටට ආපු විදේශික කාන්තාවන් පමණක් බිකිණිවලින් සැරසිලා මුහුදු වෙරළේ දකින්න ලැබුණා. පසු කාලෙක විලාසිතා දැක්මවල නිරූපිකාවන්, රූ රැජිණ තරඟවල තරඟකාරිනියන් මේ ඇඳුම අඳිනවා දකින්න ලැබුනා. දැන් නම් අපේ තරුණ කෙල්ලෝ ටික මුහුදු වෙරළට, පූල් එකට බිකිණි අඳිනවා ඕනෑ තරම් දකින්න පුළුවන්. instagram වගේ සමාජ ජාලවල හුවමාරු වන ඡායාරූප ඊට හොඳ නිදසුන්. ඒකත් විලාසිතාවක්. තැනට ඔබින ඇඳුමක්. ගැලපෙන තැනට ඒ ඇඳුම ඇන්දා කියලා සභ්‍යත්වය නැතිවෙන්නේ නැහැ. ජීවිතේ ලස්සන තරුණ වයසේ, ලස්සනට ඇඟ පත තියන කාලේ ආසා “Fashion” එකක් කළාට අපරාදයක්ද? අද අපි අපේ මේ අලුත් fashionවලට බය නැති කෙල්ලෝ ටිකට කියන්න යන්නේ ඔයාලට ගැලපෙන bikini නැතිනම් පිහිනුම් ඇඳුමක් තෝරා ගන්න හැටි.
ඔයාලා සාමාන්‍යයෙන් අඳින යට ඇඳුම් පිහිනුම් ඇඳුම්(swimsuit) විදියට යොදා ගැනෙන්නේ නැහැ. ඊට ගැලපෙන විලාසිතාවන්ට ගැලපෙන රෙදි වර්ගවලින්(ප්‍රධානවම කපු, නයිලෝන් සහ ලයික්‍රා) මේ පිහිනුම් ඇඳුම් සකසනවා. වෙනත් ඇඳුමකට වඩා ගොඩක් දුරට ඔයාලගේ ශරීරය මේ ඇඳුමකින් නිරාවරණය වන නිසා ඇඟේ හැඩය අනුව ගැලපෙන වර්ගයක් තෝරා ගැනීම අතිශය වැදගත්. අනෙක් අතට ඔයාලා මේ විලාසිතාව මගින් ශරීරයේ හැඩය, ලස්සන ඉස්මතු කරන්න උත්සහ ගන්නවද කියන එකත් ගැලපෙන බිකිණි එක තෝරා ගැනීමේදී සැලකිය යුතුයි.
ඇඳුමේ කොටස් ගණන් අනුව swimsuit වර්ග කීපයක් තිබෙනවා.
01) One-piece(Monokini – තනි කොටසේ බිකිණි) – සම්පූර්ණ ඇඳුමම එක කොටසක් සේ දකින්න පුළුවන් ඔබ කොපමණ ශරීරය නිරාවරණය කරන්නට කැමතිද යන්න මත විලාසිතා කීපයකින් නිර්මාණය කර තිබෙනවා.
02) Two-piece bikini(කොටස් දෙකේ බිකිණි) – වඩා ජනප්‍රියම වර්ගය මෙය වනවා. සාමාන්‍ය යට ඇඳුම් මෙන් bra සහ panty කොටස් දෙකක් තිබෙනවා. panty එකේ හැඩය සහ bra එකේ ස්වභාවය අනුව වර්ග කීපයක් දකින්න පුළුවන්.
03) Three-piece bikini(කොටස් තුනේ බිකිණි) – මේවා කොටස් තුනේ ස්වභාවය අනුව වර්ග කීපයකින් මිලදී ගන්න පුළුවන්. සාමාන්‍ය bra-top එක හා panty bottom එකට අමතරව තවත් top එකක් හෝ(blouse ආකාරයේ) නැතිනම් short bottom එකක් හෝ එසේත් නැතිනම් අමතර fishnet coverup එකක් හෝ lace bikini wrap එකක් සමග මෙය නිර්මාණය වනවා. මේවා කට්ටලයක් සේ මිලට ගැනීමේ හැකියාව තිබෙනවා.
ඔබේ සිරුරේ හැඩය හා ගැලපෙන පරිදි බිකිණි එකක් තෝරා ගන්නා අයුරු වගේම බිකිණි විලාසිතා ගැන තව විස්තර රැසක් මේ විශේෂාංගයේ දෙවැනි කොටසින් බලාපොරොත්තු වන්න.
