සිත්තරුන් තම කලා කෘති කරන්නට යොදා ගන්නා කැන්වස විවිධාකාරීය. විටෙක එය කඩදාසියක් වන්නට පුළුවන. නැතිනම් දළ රෙදි කඩක් වන්නට පුළුවන. එසේත් නැතිනම් කළු ගලක්, තාප්පයක්, පසෙක ලූ බැරලයක් හෝ වන්නට පුළුවන. මේ වෙනස්ම කැන්වසයක්, නැතිනම් සජීවී කැන්වසයක් ඇසුරෙන් නිර්මාණය කෙරෙන කලාවකි. ඒ ශරීර සිතුවම් නැතිනම් “Bodypainting” කලාවයි. කැන්වසය මිනිස් සිරුරකි.
සංචාරක ව්‍යාපාරයට සම්බන්දව කටයුතු කළ Alex Barendregt 1998දී ඔස්ට්‍රියාවේ Seeboden නගරයේ කලාකරුවන් කිහිපදෙනෙකුගේ සහභාගිත්වයෙන් සිරුරු පින්තාරු වැඩසටහනක් පැවැත්වුයේ සංචාරක ප්‍රවර්ධන වැඩසටහනක් ලෙසයි. නමුත් නොසිතු මට්ටමේ පිරිසක් මෙයට සහභාගී වුනු අතර සැම කෙනකුගේම වාගේ සිත් ඇඳ බැඳ ගැනීමට මෙය සමත් වුණා. මේ නිසාවෙන්ම ලෝකය පුරා විහිදුණු සිරුරු පින්තාරු කලා ශිල්පීන්, නිරූපණ ශිල්පීන් ශිල්පිනියන් රැසක් සහභාගිවන වාර්ෂික උළෙලක් බවට මේ World Bodypainting Festival අද වන විට ජනප්‍රියව තිබෙනවා.ඔස්ට්‍රියාවේ Pörtschach ප්‍රදේශය මුල් කරගෙන පැවැත්වූ මෙම උළෙල 2017දී පටන් Klagenfurtහිදී උත්කර්ෂවත් අයුරින් පවත්වනවා. මෙවර එය #wbfestival2019 ලෙස ජූලි 07 සිට 13 දක්වා පැවැත්වෙනවා. රටවල් 50කට අධික ප්‍රමාණයකින් 30000කට අධික පිරිසක් සහභාගී වන මෙය යුරෝපයේ සංචාරක ව්‍යාපාරයේ කැපී පෙනෙන අංගයක් ලෙස හඳුන්වන්නට පුළුවන්.
#wbfestival2019 හි ජයග්‍රාහකයින් නොබෝ දිනකින් ඔබට බලාගන්නට හැකි වේවි.2020 වසර අපේ ශ්‍රී ලාංකික නියෝජනයක් දැකගන්නට ලැබෙන වසරක් වේවා යන්න අපේ ප්‍රාර්ථනයයි.
මේ 2018 වසරේ ජයග්‍රාහකයින් කීප දෙනෙක්
Official website : Click Here / Official Facebook Page : Click Here
Photo Credit : https://bodypainting-festival.com
